金鳳大餐廳 (金鳳樓)

聽人講過這間西餐廳， bookmark左好耐一直好想去試下，今次終於有機會啦。大概7點左右去到餐廳，出面已經排左好多人。拿了個號，前面有成30個號，慘…唔知要排幾耐啦，於是就趁有時間周圍去行下。其實，宜家回想，等候時間並沒有想像中長，因為好多人拿了號後可能會離開，所以之前會連續skip左成5個號的情況。而且用餐環境並不好，所以大家用餐的時間都相對較短，30分鐘就完成一個round。所以，其實預計大概一個鐘頭可以輪30個號啦, just FYR. 我地就用等待的時間去了太子新開的胖達人bakery買左幾個麵包。
行行企企一個鐘頭就入座了，坐的位置因為最靠近通道，所以用餐環境是極為惡劣的，時常要躲避waiters, 燒紅的鐵板, 冷熱飲品及熱湯…其實用餐環境是相當的惡劣, in general. 因為入面基本系煙霧瀰漫, 到處都系鐵板的熱煙。
我地三個分別order左: 西冷排，蘇格蘭牛排以及雜排(豬+雞)餐。$80(加蒜蓉+10%) 的餐我覺得真系好抵食。有一個餐包，一碗湯(紅/白)，一個鐵板排，一杯熱飲。
餐包: 完全冇特別 (不要期望)
湯: 一D都唔特別 (亦不要期望), 不過個人覺得紅湯比較好飲，比其他餐廳的湯較為酸

普通餐包&餐湯

熱飲: 唔特別，普通奶茶/咖啡
主角當然就系牛排！但要注意啊，記得用紙巾擋住，否則你件衫就唔洗要啦，D肉汁系會彈到周圍都系，所以剛上檯的那兩分鐘，一定要用紙巾擋住面and衫。等到塊鐵板cool down就可以開餐啦!
西冷排: 最好吃的就是西冷排啦~ 其實7成同5成出黎個效果冇咩分別。可以接受到5成應該要5成，因為入面有d紅外面軟，真系好好吃。 個排有成一寸厚，大概15 寸長，絕對有成半斤牛肉。入口好軟，應該有加工，絕對不是外面吃的外國牛排甘乾甘硬。非常的juicy and soft。好好好好吃。配上蒜蓉，一口咬下去，頓感幸福感飆升。
蘇格蘭牛排: juicy and soft, 比西冷排較為硬。

(5成熟) + 蒜蓉 + 黑椒汁，非常好味道

雜排: 同樣juicy and soft。但其實同樣價錢，還是吃牛排比較開心及滿足 
燒汁 or 黑椒? 如果唔吃得辣就燒汁，其實燒汁個味道幾好。黑椒口味比較重，所以就會蓋過肉的鮮味。
其實成個用餐只系30分鐘左右，上餐好快，用餐環境惡劣(逼，煙霧瀰漫，位置窄，少少危險)，所以大家都快快脆吃完丿。但我覺得我會再去，因為牛排真系性價比極高，而且能看到年邁的伯伯對經營的執著，感受到的還是一種香港精神!