El Portal (已結業)

低調地位於廟街附近嘅樓上地中海菜，朋友本身唔知咩係地中海菜，其實就係希臘、意大利、西班牙、葡萄牙果邊嘅菜式，會多用橄欖油、蔬菜，鷹咀豆、海鮮等等材料。餐廳靠窗位置一律造成Bar枱式，啱晒黎想叫番個生蠔加白酒set傾吓偈嘅朋友，個feel又有少少似日本嘅小酒館，幾正。仲有個大酒櫃。中間有幾張正常枱俾客人食飯用，仲有個好大嘅projector播歌，睇落黎呢到包場都可以。烤八爪魚配法瓦豆泥八爪魚好出色，焗得好軟淋，每一啖口腔都有海鮮嘅香氣，再不埋襯底嘅fava puree同olive oil、蔥，呢個世界可以唔需要有白飯嘅存在🥲我想攬住豆泥過世。西班牙海鮮飯 蝦、白蜆、青口、魷魚，全部都好新鮮，焗出黎嘅飯底充滿住海鮮嘅鮮味，灑上少少檸檬更加開胃。燒烤黑豬扒配松露醬烤南瓜豬掛烤得剛好，唔會過火太韌，伴碟嘅南瓜蓉、芝士薯仔雖然只係伴碟但冇俾主角搶咗風頭，每樣嘢單獨黎睇都係用心之作。