玉蕾 (已結業)

嚟到呢度梗係要試最出名嘅上海式紅燒扒翅, 聽經理講個翅係完全無漂白過, 好少有翅會完整成片咁出。每一條翅都好分明, 而且味道比較濃, 應該會較岩年青嘅人試。媽咪最鐘意食片皮鴨, 呢度嘅服務真係好好, 你同佢講你想食咩醬, 侍應會幫你包埋, 之後一啖咬落去, 所有嘢個味都十分配合。呢個真係不得不提, 窐烤松子肉, 就咁睇個賣相真係好似火焰雪山雪糕, 如果唔知嘅話一啖食落去, 第一吓一定會咸死你, 因為外面果層全部都係鹽, 入面就有一塊荷葉包住塊肉, 個感覺有啲似食東坡肉咁。另外仲有呢度嘅點心, 雖然個賣相就無咩特別。一口咬落個小籠包度, 啲汁即刻流暈成個口腔, 簡直係回味無窮。