影片
更多
2017-12-04
281 瀏覽
有日同朋友行完灣仔藍屋，見肚餓就睇下附近有咩食，見到呢間餐廳門口有張細BAR枱，D外國人係門口叫杯啤酒飲咁好CHILL，就順便望望佢有咩食，見個MENU都幾岩胃口，一於同朋友試下。 餐廳唔太大，一排高身枱，對住OPEN KITCHEN同MINI BAR，可以睇住廚師準備食物同調酒，最重要油煙唔會好勁，佢都有二樓既，不過就無走上去睇啦。同朋友叫左枝啤酒飲，之後就叫野食啦。餐包烘得香脆，配新鮮蒜蓉或者OLIVE OIL同黑醋，都好好味。 GREEN SALAD BOWL $68本來我地以為係一碗既沙律，入面有好多切碎沙律配料果種，但黎到唔係咁，只有沙律菜，幾片蕃茄同青瓜，加少少黑醋，講真有D單調同埋有D似伴碟菜既大碟版，但勝在D沙律菜都幾新鮮。 GOLDEN CHICKEN WING $78店主推薦既黃金雞翼，用壓碎咸蛋黃+牛油煮成既黃金汁沾滿炸雞翼上面，炸雞翼切開左做單骨，更加易食，皮脆肉嫩，加埋個汁少少CREAMY又有咸香，真係食到停唔到口，超好味。GRILLED U.S GAME HEN $208見到呢個U.S GAME HEN，未試過，一於試下，可能係野雞既關係，肉質真係幾結實但又
有日同朋友行完灣仔藍屋，見肚餓就睇下附近有咩食，見到呢間餐廳門口有張細BAR枱，D外國人係門口叫杯啤酒飲咁好CHILL，就順便望望佢有咩食，見個MENU都幾岩胃口，一於同朋友試下。
餐廳唔太大，一排高身枱，對住OPEN KITCHEN同MINI BAR，可以睇住廚師準備食物同調酒，最重要油煙唔會好勁，佢都有二樓既，不過就無走上去睇啦。同朋友叫左枝啤酒飲，之後就叫野食啦。
餐包烘得香脆，配新鮮蒜蓉或者OLIVE OIL同黑醋，都好好味。
GREEN SALAD BOWL $68本來我地以為係一碗既沙律，入面有好多切碎沙律配料果種，但黎到唔係咁，只有沙律菜，幾片蕃茄同青瓜，加少少黑醋，講真有D單調同埋有D似伴碟菜既大碟版，但勝在D沙律菜都幾新鮮。
GOLDEN CHICKEN WING $78店主推薦既黃金雞翼，用壓碎咸蛋黃+牛油煮成既黃金汁沾滿炸雞翼上面，炸雞翼切開左做單骨，更加易食，皮脆肉嫩，加埋個汁少少CREAMY又有咸香，真係食到停唔到口，超好味。
GRILLED U.S GAME HEN $208見到呢個U.S GAME HEN，未試過，一於試下，可能係野雞既關係，肉質真係幾結實但又唔會鞋，仲有少少肉汁，雞肉調味做得好好，唔會淡茂茂，配埋黑松露醬食更加香，而且我好欣賞個配菜紫薯蓉加鵪春蛋，薯蓉香滑中有脆脆既脆米粒，加埋鵪春蛋一齊食更濃滑，口感好豐富。
Grilled Japanese Natural Pig $198店員介紹呢個日本自然豬係放養，而且自己係田度食新鮮蔬果長大，D肉既MARBLING都好靚，叫我地試下。肉質食落真係幾JUICY同埋肉同豬油分佈好似一比一咁，好聰明配上酸酸甜甜既山楂汁減低油膩感，伴菜有黑椒炒菠菜 有少少辣，我都係鐘情個紫薯蓉多D，真係好好味~
呢間小店好有驚喜，食得出食材本身質素好同新鮮之外，調味同煮法都恰到好處，每個菜式都好平均，價錢合理，講真比起好多高價位西餐更好，而且氣氛好CHILL好RELAX，店員又好NICE，下次去開灣仔一定再ENCORE!
張貼
