皇后泰國廚房 (已結業)

岩岩行完海港城揾緊食晚餐既地方見到對面有泰國菜就一試估唔到揾到正野入到去環境好光猛舒服有水晶燈 非常華麗我地兩個人叫左3款菜式泰式炒通菜冬蔭功湯紅咖哩烤鴨先講個冬蔭功湯佢有埋個火爐一路滾住非常細心因為冬蔭功湯真係要熱辣辣飲凍左就失色不少個湯酸辣度岩岩好而且好足料 好香濃有小玉蜀黍，秋葵，草菇仲有好多件鮮魚同蝦極好味紅咖哩烤鴨賣相好靚 紅卜卜令人 食慾大振烤鴨份量都多皮亦keep到好脆口而且有肥有瘦紅咖哩唔算太辛辣 但夠惹味好岩送飯泰式炒通菜亦係一向既高水準新鮮炒起又唔太油總括黎講環境好 食物又正值得再黎