餃掂手工餃子雲吞專門店

今次已經係第三次尼餃掂，每次想食清啲就會諗起食餃子！
今次一行二人嚟食，可以叫多啲餸一齊食開心share

首先叫咗個松茸豬肉餃，松茸味好香，又清清地，超級啱我胃口！仲包埋一碗湯，完全唔覺係味精湯，亦都唔油膩！第一次出街飲湯成碗飲晒

松茸豬肉餃

$73

跟住叫咗個菜肉餃子麵！皮薄多料，好好味！朋友都話有驚喜！

韭菜餃子麵

$53

小食方面叫咗個糖心蛋！原來加咗松露醬，真係好好味㗎！

另外亦都叫咗蜜餞雞翼！一客五隻！超級入味，勁想叫多一碟

總括嚟講，完全可以滿足到我comfort food 要求!! 下次經過一定會再嚟食