壹八壹冰室 (已結業)

家住附近，發現酒店內新開左間以懷舊做主題的冰室，試業期間仲有8折（暫時見去到10月31日），所以約埋成家人一齊去食個晚飯。由於前兩日訂左枱，員工貼心地安排了一張長枱給我們7大3小，一邊是梳化位，非常舒適。仲有BB椅和BB餐具提供，相當適合一家大小黎食。至於食物方面，等候時間都合理，落單後不久已經逐一上菜。已經碟碟都熱辣辣，新鮮即炒。本人推介沙翁明蝦球的鬆軟香口，無骨口水雞亦做得十分精緻特別。飲品方面都見到很多冰室常見的例如黑牛，什果冰等。本人叫左杯雪糕紅豆冰，真係好有童年回憶。飲返出以前d冰室整出黎既水準，食到有碎冰同軟淋淋既紅豆，好好味！餐廳外面還有個麵包櫃，會有新鮮出爐既麵包賣。整體服務和食物都十分好，值得再試！