日喜樓 (已結業)

日喜樓二訪，可以令我再度去食嘅餐廳通常都係有返咁上下水準！爆汁生煎包，皮薄底脆，湯汁唔會太油膩，令人越食越上癮。雖然店員已經好窩心咁預先提醒我哋要小心爆汁燙到口，但心急嘅我....到家下都仲有d痛😂😂不過咁好味，我下次都係會食嘅🤣 杞子花雕醉雞呢道涼菜小吃係我每次食上海野必點🤞🏻佢酒香撲鼻而且非常入味，雞肉嫩滑可口，最重要係個溫度非常適中。酸菜斑片將酸菜同鮮魚片一鍋煮，湯嘅味道鮮甜美味，一片片雪白的魚肉又嫩又入味，酸菜好香湯汁亦濃，非常開胃😋碧綠萵筍絲好爽脆，味道比較清淡，食咗咁多到濃味菜，一道清淡脆口嘅萵筍黎得更加健康有營。再黎家常豆腐同埋山東水餃🥟，經典嘅上海菜，雖然看似簡單，但要煮得好食真係好考廚師嘅功架！家常豆腐帶有小小辣味，係我最愛嘅紅燒豆腐style. 山東水餃外皮煙靭有咬口，餡料有豬肉同菜，家的味道。日喜樓結合左新派同傳統上海菜嘅精髓，有如遊走老上海巷弄美食。喺銅鑼灣心臟地帶可以搵到性價比咁高嘅菜館真係難能可貴！