九丁目燒肉料理

本身同家人都唔食牛肉，但又想食燒肉 ，有豬/ 雞/ 海鮮可以選擇，所以就試試，好食喎！
見到隔籬枱叫嘅牛肉，個樣都非常靚仔，而且睇得出擺盤都好用心！
蔬菜新鮮，粟米好甜！

另外嗌咗刺身，油甘魚非常厚，亦都好新鮮！

熟食方面都做得唔錯，而且嘢食嘅份量都唔少。
我覺得最驚喜 係佢哋自家製嘅泡菜 😆👍🏻

環境好乾淨，坐得舒適，價錢合理，晚上8:30後仲有優惠。
而且全部店員都係好有禮貌。
我覺得絶對係會回頭再幫襯嘅餐廳！

如果真係要講唯一嘅缺點，我覺得係燒爐細咗少少😆如果個爐大返少少會燒得暢快啲~~