甜屋 (已結業)

係譚臣道睇完中醫,發覺附近新開左一間叫甜屋的甜品鋪,賣相似乎不錯,便與女友入去嘗試一下, 不過估唔到小小的店舖內嘅甜品師傅以前係文華整甜品.餐牌嘅甜品選擇尚算豐富, 有中有西,不過既然師傅係文華出身,應該係西式比較出色,點了法式焦糖燉蛋同朱古力松露蛋糕(唔記得係咪呢個名).朱古力松露蛋糕~~一放入口的確有令人驚艷嘅感覺,入口充即溶, 充滿朱古力的香味,是朱古力迷的首選,不過最好兩人share來食,因為比較膩. 算係值得一試呢個燉蛋很合我口味,焦糖很香,而燉蛋亦好綿滑,而且落足料,食到底見到一大堆雲呢拿籽.算係我食過嘅燉蛋裡面數一數二overall都好好食, 價錢亦不算貴, 加上仲有其他甜品都幾想試下,特別係火焰雪山同疏乎厘,所以都會搵機會去多次