更多
2022-12-04
2692 瀏覽
嚟到最愛嘅月份,要對自己好啲❤️今日決定去酒店食lunch,於是就同老公去咗帝苑酒店四季菊嘆鐵板燒同天婦羅啦😋餐廳嘅裝修係典型高級日式料理,坐位寬敞舒適,而鐵板燒區域就喺餐廳嘅另一邊。我地今日叫咗2個set,分別係鮑魚廣島蠔美國鐵板燒定食同特上天婦羅御饍!食過沙律,先上嘅係鐵板燒鮑魚同廣島蠔,師傅張廣島蠔先上薄粉再鐵板燒,而燒鮑魚就配埋即炒嘅海帶,廣島蠔煎到皮脆內軟,生熟程度啱啱好,鮑魚連埋海帶一齊食,非常鮮味之後就係天婦羅御饍嘅3款刺身,包括有池魚同呑拿魚赤身,全部都非常新鮮,仲切得好厚添!之後上嘅就係美國牛,我地加咗少少錢升級做美國牛肉厚燒,師傅將牛扒燒成5成熟,配埋炸蒜片同特制醬汁一齊食,入口鬆軟又有牛肉味,正!再嚟就係天婦羅十件,有蝦,魷魚,沙追魚同雜菜!天婦羅係四季菊嘅招牌菜,果然無令我失望,皮薄香脆,又無多餘嘅油份,一食就停唔到,再配天婦羅汁同咖哩鹽,感覺無得彈👍🏻之後就食埋鐵板燒嘅牛肉炒飯,新鮮即炒,飯粒乾身勁好味,食埋生果,超滿足❤️
今日決定去酒店食lunch,於是就同老公去咗帝苑酒店四季菊嘆鐵板燒同天婦羅啦😋
餐廳嘅裝修係典型高級日式料理,坐位寬敞舒適,而鐵板燒區域就喺餐廳嘅另一邊。
我地今日叫咗2個set,分別係鮑魚廣島蠔美國鐵板燒定食同特上天婦羅御饍!
食過沙律,先上嘅係鐵板燒鮑魚同廣島蠔,師傅張廣島蠔先上薄粉再鐵板燒,而燒鮑魚就配埋即炒嘅海帶,廣島蠔煎到皮脆內軟,生熟程度啱啱好,鮑魚連埋海帶一齊食,非常鮮味
之後就係天婦羅御饍嘅3款刺身,包括有池魚同呑拿魚赤身,全部都非常新鮮,仲切得好厚添!
之後上嘅就係美國牛,我地加咗少少錢升級做美國牛肉厚燒,師傅將牛扒燒成5成熟,配埋炸蒜片同特制醬汁一齊食,入口鬆軟又有牛肉味,正!
再嚟就係天婦羅十件,有蝦,魷魚,沙追魚同雜菜!
天婦羅係四季菊嘅招牌菜,果然無令我失望,皮薄香脆,又無多餘嘅油份,一食就停唔到,再配天婦羅汁同咖哩鹽,感覺無得彈👍🏻
之後就食埋鐵板燒嘅牛肉炒飯,新鮮即炒,飯粒乾身勁好味,食埋生果,超滿足❤️
張貼