Y Dining (已結業)

今日出旺角逛逛，想起上次這餐廳帶來的驚喜，回味無窮。呢度嘅set menu都好豐富，有兩個前菜或者頭盤加$28可以轉龍蝦湯，每晚嘅pasta都有唔同款式，主菜選擇有豬排、燒春雞、原條鮮魚、牛肋骨、肉眼排等等，當然包括甜品，也可以加錢轉即製意大利芝士餅。白酒忌廉汁煮青口~青口用呢個煮法特別美味，脆多士上的蒜蓉牛油特別可口，白酒忌廉汁好香，記得用脆多士索汁吃。龍蝦湯~香濃蝦味，入口滑滑，食到龍蝦肉。每人有兩個麵包，暖暖的，外皮鬆脆，沾黑醋及橄欖油最好吃，配湯一流。南瓜意大利飯~粒粒意大利飯煙韌有口感，忌廉汁煮南瓜是一絕，好香口。燒春雞~熱辣辣，皮脆肉香，雞肉質地嫩滑，汁料都調教得好恰當。牛油果抹茶smoothie~抹茶味道比較濃，加入牛油果又香又滑。木瓜益力多smoothie~木瓜啱季節，這配搭也不錯。Tiramisu意大利芝士餅~這個甜品即叫即做，中間手指餅加入冧酒，食落好香酒味，然後鋪滿mascarpone。酒類選擇都唔少，啤酒及紅白酒，同朋友飲嘢傾計，這是個唔錯嘅地方。