忠記咖啡屋‧私房菜 (已結業)

渣典坊向來食肆林立、渣典中心內很多高級餐廳、忠記咖啡屋是較平民的中餐館。有多款中式小炒可選擇、若跟一大班親戚朋友來亦可以選六人、十二人套餐、幾抵食。先送來是日例湯- 花旗蔘煲雞。餐前小食- 芥茉蒜泥牛舌$46、芥末唔會太辣、牛舌軟熟。涼瓜肉鬆菜甫煎蛋 $65涼瓜完全唔苦、加入菜甫的煎蛋更香更有口感、不錯。美國姜䓤桶蠔 $168 這裡的桶蠔特別大隻、啖啖肉、以姜䓤爆過味道更香。砂鍋鮑魚雞粒飯 $64 好抵食、有好多鮑魚粒和雞粒、飯粒粒分別、沾滿鮑汁好入味。