Season Plus (已結業)

今日和太太往觀塘season plus 食晚餐, 我們點了熊本霜降西冷, 牛肝菌意大利飯、芝士牛油焗日本元貝、牛油蒜蓉焗大虎蝦和少爺啤咸檸啤。熊本霜降西冷煎得香濃之餘,肉汁鮮甜, 霜降西冷很有肉味；配菜沙律菜食落新鮮爽口, 配上黑醋汁食落開胃美味；薯角是自家切, 每一條都大小不一, 煎得金黃香脆, 食落惹味；牛肝菌意大利飯賣相吸引, 一入口忌廉味濃, 食落香甜, 飯食落軟綿, 牛肝菌食落爽口和意大利飯很夾；芝士牛油焗日本元貝一上桌時有濃香芝士味, 芝士味食落香濃, 而牛油令元貝食落更加滑溜, 元貝大大隻,食落鮮甜味美, 惹味可口；牛油蒜蓉焗大虎蝦好香蒜香味, 蒜蓉食落惹味, 開邊大虎蝦十分新鮮,入口彈牙爽口, 大虎蝦配上牛油和蒜蓉食落香滑惹味, 佐酒一流；最後我點了少爺啤咸檸啤, 咸檸啤味道酸酸甜甜, 飲落有鹹青檸和鹹檸七的味道,口感豐富有層次, 味道不錯的手工啤。餐廳坐位舒適寬敞, 食物美味又高質, 適合情侶晚膳和三五知己聚會,值得再來的酒吧餐廳。