紐西蘭草飼牛肉粒薯粒鑊仔（$133), 用鐵板上嘅薯粒一直熱辣辣咁真心keep到有鑊氣！薯粒好脆口，啲牛柳粒又惹味！撈埋隻流心蛋同芝士，而家食完都仲念念不忘，真係好好好食
如果兩個人食，建議嗌baby size就夠，因為其實都幾多架😂
杏仁奶牛油果意大利飯（$138),原先覺得呢個配搭幾健康就嗌左，食第一啖已經食得到平時杏仁獨特嘅香味，喺我試過嘅risotto黎講好少可有杏仁味嘅配搭，係加分位！除左面頭有成個切片牛油果，飯入面仲有好多菇同蕃茄仔粒，性價比高
餐廳名叫得做green waffle又點可以唔嗌waffle就走人架，揀左個自家士多啤梨大黃醬窩夫🧇連埋一球綠茶雪糕😍賣相非常滿意，waffle係厚身同好脆架，個士多啤梨醬充滿果肉，酸尾尾，一人食足一大塊，超好味
