風月堂 (已結業)

到處覓食，嚟到風月堂入到餐室，心裏面不禁打咗個"？"「咦...乜唔係有落地玻璃架咩？是但啦，都係想試吓好唔好食啫...」喺評論啲食物質素之前，我真係好想讚吓佢哋嘅服務態度，真係好好，笑容親切，全無造作嘅感覺，等食物等得耐咗，你唔出聲催，佢哋都會行埋嚟同你講：「唔好意思呀，等多約2分鐘就可以啦...」真係nice到你發唔出火...食物更加係ichiban，好味，我order咗"蟹肉焗西蘭花"，西蘭花好脆口，醬汁好rich，而且食到蟹肉嘅鮮味，另外，有"熱紅豆酥盒"，講真，熱真係唔多夠熱，但勝在甜而不膩，食多一份都唔嫌多...食得好開心，但價錢略貴咗一啲...兩款加埋約$100到臨走先發現自己白痴咗啦，原來想有落地玻璃環境要更上一層樓...下次我會知道架啦...=.=