Kcal

營業中

休息中

好耐無入過深井，o岩o岩個星期三同媽咪想入去食燒鵝，經過見到呢間餐廳好多人，但其他鋪頭就無乜人，於是就諗住去試下，睇下點解佢會特別受歡迎。一坐落就有熱辣辣o既麵包食，好鬆軟好好味。侍應生向我o地推介o左一個配法式魚湯o既馬塞海鮮飯同埋一個黑毛豬晚餐，個湯好大碗又夠熱，我o地都覺得個味道唔錯。個海鮮飯好大碟，d海鮮好新鮮。尤其係d蝦。而黑毛豬就好有豬味，亦都唔un。兩個餐都包埋o野飲同甜品，食到我同媽咪都好飽，我地都覺得物有所值。而侍應生o既服務都唔錯，好好笑容好有禮貌。總括而言，我地都好滿意呢一餐飯，估唔到無去深井咁耐會有咁大o既轉變，有間咁好o既餐廳，我地問過侍應生，原來kcal已經開o左業兩年，我同媽咪都一定會介紹朋友去試下。