莊園韓國料理 (已結業)

星期五6:30pm去到好彩即刻有位，兩條友叫咗：特級牛肋骨 $290，肉好冧好好味😋牛脷 $130，質素一般般。海鮮煎蔥餅 $110，個邊煎到脆卜卜，好香口。中間好足料，味道亦Good！蔥花沙律 $30，同啲牛肉一齊用生菜包住食又係一流👍🏼一上枱先嚟成十款前菜，味道就普普通通啦，之後老闆仲每人送咗一碗蘿蔔湯😘環境方面，唔會好迫，坐得幾舒服😌 店員幾好禮貌，我哋傾耐咗都冇催我哋埋單，到最後可能出面真係好多人排隊，先禮貌地問我哋仲有冇其他order。我哋叫咗兩罐啤酒一罐汽水，食飽飽埋單七百鬆啲，我覺得都OK嘅！