影片
更多
2020-07-04
60 瀏覽
成日都好想飲夜茶，終於發現到紅橋有一間！約咗男朋友星期二收工後齊齊嘆夜茶🤙🏻我哋嚟到大約七點半，已經有幾枱客，舖頭空間不大，如果想試都要預早少少嚟。一坐低男朋友就嗌餓，即刻嗌咗幾樣嘢🤣值得一讚嘅係，呢到上菜速度極，而且全部嘢食熱辣辣🥰🥰好耐冇食過熱辣辣、脆卜卜嘅蛋散🥳大部分酒樓都係擺咗好耐，又凍又淋😵蒜泥白肉都唔差，同譚仔三哥比，別有一番風味😄葱花牛肉腸🐮薑葱牛柏葉，好大份而且都幾入味蝦餃又係好surprise到我！本身唔係好中意食蝦餃，因為通常嗰皮都好厚😵，但呢到嘅蝦餃嗰皮做得好簿，男朋友都話好食👍🏻👍🏻👍🏻燒賣和牛肉球都唔錯鮮蝦腐皮卷又係好鬼死脆😭💕最後飲埋個燉湯，又足料好夠味，好滿足🤰🏻下次帶屋企人嚟試下先！
好耐冇食過熱辣辣、脆卜卜嘅蛋散🥳大部分酒樓都係擺咗好耐，又凍又淋😵
蒜泥白肉都唔差，同譚仔三哥比，別有一番風味😄
葱花牛肉腸🐮
薑葱牛柏葉，好大份而且都幾入味
蝦餃又係好surprise到我！本身唔係好中意食蝦餃，因為通常嗰皮都好厚😵，但呢到嘅蝦餃嗰皮做得好簿，男朋友都話好食👍🏻👍🏻👍🏻
燒賣和牛肉球都唔錯
鮮蝦腐皮卷又係好鬼死脆😭💕
最後飲埋個燉湯，又足料好夠味，好滿足🤰🏻下次帶屋企人嚟試下先！
張貼
