鐵牛台灣牛肉麵 (金巴利道) (已結業)

今日喺假日，凍冰冰唔知食乜好，喺尖沙咀一路行，去到廣場附近見到呢間台灣舖就決定走入去試一試。今晚晚餐係兩個人食，望一望個餐牌，價錢都唔係好貴，所以就決定攞飛入去。一撳咗張飛，都唔使10秒就已經有位。店務員非常好，十分有禮貌。最後點左餐之後，大概5分鐘左右就已經有食物上枱。我地叫咗一碗牛肉麵，湯底非常之濃郁，牛肉亦鬆軟。湯底有些少藥材嘅味道，但係又唔會掩蓋左牛肉嘅香味。另外叫咗個雞髀扒肉燥飯，同埋一個小食拼盤。個肉燥飯嘅雞肉非常之香脆，肉燥飯加上三樣小菜，有種回到台灣嘅感覺，可以一試。但係個酥炸小食拼盤就有啲失準，好似炸得唔夠熱咁。雖然就唔油膩，味道亦都好似喺台灣食嘅小食，但係有得揀嘅話可以先選其他小食。