夏茶 (已結業)

夏茶係小弟近期愛上嘅一間飲品店，主打果茶同芝士奶蓋，老實講，我相信夏茶係元朗區內最有質素嘅一間非連鎖式飲品店。今次叫咗Oreo芝士奶蓋烘培烏龍，另外一杯就係海鹽芝士奶蓋四季春。Oreo就當然係會有Oreo餅乾碎，不過我就略嫌佢會搶咗芝士味，同埋飲時無咁方便，所以我下次都係會叫返海鹽，因為淡淡嘅鹹味溝埋芝士奶蓋係非常之match！茶方面，喜歡濃味的話可以選擇烘焙烏龍，茶味對比起四季春係濃得多！下次我會選擇叫海鹽芝士奶蓋烘焙烏龍，咁樣應該會係我最想要嘅味道！