一去到環境唔錯，但係唔靜，去的都是外國人多。
我們一行六人gathering，叫的所有食物都是share食的。
先有麵包（是免費的）
呢一籃麵包真係超正，有四至五種嘅麵包，最正果樣係佢自製嘅醬料。完全係食到唔停得口唔停得手。
佢亦都有一個送嘅小食，係由芝士雞蛋再加蘑菇造成嘅，佢都幾好食。最吸引嘅係佢嘅香味同埋入口之後嘅蘑菇味好濃郁。
之後我哋嗌咗Parma Ham Pizza, Rib Eye Steak, Lamb Chop, Lobster Linguine, 2x side dishes ( Sautéed Spinach & Fungi Misti).
Parma Ham Pizza
一般嘅Pizza口味囉，唔覺得佢有咩特別分分鐘Pizza Express 仲好過佢
Rib Eye Steak (medium)
你個牛扒非常之正煮得啱啱好。真正做到半生熟而且出面燒得好有炭烤味。伴碟有Parmesan 芝士Rocket菜,意大利醋. 呢個意大利醋更能帶出肉嘅香味。做得非常好。淨係識呢個都值回票價。
原價＄320有Super Monday買一送一抵到爛。
就算正價我都會專登去食返呢一個牛扒。
Lamb Chop （medium) $318
佢都算好大塊，而且佢有四件嘅。佢嘅觀點做得唔錯，有蛋漿做嘅醬料有炸過嘅薯蓉同埋artichoke .佢有美味嘅蘇媚但係唔會過多，通常食羊扒側邊會有一好長的肥羔，但佢就切走咗。鍾意食嘅朋友可能會覺得失望，但係好似我呢啲要睇住食的又覺得非常之好，起碼成舊肉可以食晒唔使切走其他部份。
Lobster Linguini
呢個龍蝦扁意粉真係極度失望，佢嘅龍蝦細隻度我唔知個係唔係上錯菜。我明白佢將一隻龍蝦切細佢擺入去黎做，但係佢真係切得好細粒下囉而且嗰碟意粉完全冇海鮮嘅鮮味，龍蝦本身啲肉都好梅下，一啲都唔新鮮。然後裏面仲要有殼，升跌嘅質素仲差過去Pizza Hut食。
Side Dishes $78 e.a
叫咗兩個side dish一個係菠菜一個係蘑菇兩個嘅份量都足夠。不過唔知原來本身main dish裏頭已經有足夠嘅配菜如果唔係可以慳返啲錢叫多一啲唔同嘅嘢食。
甜品
Gelato & Pear Crumble
老實講個甜品就真係麻麻地無論係雪糕定係個Pear Crumble. 論雪糕佢冇意大利雪糕嗰種甜同埋滑，sorbet 的味道亦唔夠濃。
所以我寧願去第度食甜品。
Service
講真你話佢差佢又唔係不過你真係叫極都無人理你呢個先係最慘囉。
值得推介的是牛扒，羊扒和麵包籃。
建議唔好食咁多其他嘅嘢淨係識佢嘅主菜就已經可以了。
