重慶洪鼎火鍋 (已結業)

尖沙咀亞士厘道一帶一向都食店林立，競爭相當激烈，隔一排冇來，已經換了很多新嘅食店。今晚同朋友相約喺尖沙咀晚飯小聚，經過呢間 "洪鼎" 火鍋，見佢門口嘅menu 賣相唔錯，而且價錢都算ok， 於是就去試下。呢度係地庫，沿樓梯落到去，裝修都頗有特色 ，仲有一些卡位令人坐得舒服，私隱度更高。湯底選了養顏木耳雞湯，估唔到火鍋湯底都材料十足，仲有瘦肉，湯底先甜。安格斯小牛排，牛肉紋理分明，十分新鮮，只需輕輕灼三幾秒，即可入口，肉質豐富，牛味十足！蟹子墨魚滑，份量亦相當之大，而且十分彈牙爽口！黑毛肚即係黑色牛柏葉，上枱用冰鎮住，十分講究，而且釘點十分大，口感十足！