米堤 鮮乳•茶 (已結業)

上年有一股黑糖珍珠熱潮，咁岩又去台北遊行，五日行程一次過飲哂台北黑糖珍珠，包括老虎堂、陳三鼎、幸福堂、珍珠丹、迷客夏......其中有一間當地台灣朋友介紹既黑糖珍珠就係米堤，米堤位置好偏僻，唔係當地人介紹都唔會識，我抱住一試無妨心態，一飲就覺得好正，好好飲，味道同出邊不相伯仲，珍珠就用大粒珍珠，咬落夠口感。前日經過尖沙咀，估唔到依家香港開咗，我即刻買一杯試下，今次我就試飲三八波鮮乳茶，簡單啲即係珍珠奶茶，唔係用奶精粉，用鮮奶加茶，茶香及茶味適中，而且有三款唔同size既珍珠，咬落又夠彈牙，整體好飲，無令我失望，值得再試。