True House (已結業)

今日過開quarry bay果邊等我親愛的放工食飯，一於就試下呢間新開既真。味神，其實位置都幾方便只需係地鐵站步行3分鐘到。店面唔算好大但勝在坐得寬敞。全日供應的All Day Breakfast, 仲會有兩款俾客人選擇，今次我呢個食肉獸就叫左一份什扒餐，跟餐可以選擇餐湯或者橙汁。另外跟什扒餐仲會附上蒜蓉包，呢個蒜蓉包係有驚喜既，外表焗得香脆內裹又夠鬆軟，再加上新鮮蒜蓉同牛油焗就更香口。主菜來了，嘩呢份什扒餐都幾澎湃下，豐盛得來賣相又ok喎，少有地食什扒餐仲會煎隻靚靚既太陽蛋；師傅煎扒既水準亦一流，例如雞扒、牛扒和雞扒都唔係果d梳打粉醃到無味，相反仲幾多肉汁好有肉味，另外仲有火腿同腸仔添，份量相當充夠我呢個食肉獸。意粉煮得軟硬適中，本身伴有茄醬再加埋肉汁既精華係正既。 埋單一份什扒餐$78都相當實惠，加埋舒適既環境其實都不失為晚餐既好去處。