影片
更多
2021-04-13
1257 瀏覽
—【值得一試嘅體驗🇯🇵中環$880 正宗A4和牛壽喜燒套餐🥩】成日去蘇豪食嘢嘅小編，每次經過荷李活道嘅Sukiyaki Mori見到個窿都忍唔住望入去，跟住次次都忍唔住”哇，好正”🤣因為依度食sukiyaki有日本師傅專人服侍你，好高級嘅體驗😍上個月睇餐牌都仲係$680，今個月食就變咗$880💸特別日子就打算試下啦，兩個星期前call，三間都full哂，全部落waitlist，最後預定日期前一晚就收到卑利街分店call話有位😆如果想試嘅朋友要提早book阿，佢哋每月1號會開下個月嘅booking架😌如果無事先book定$1480嘅omakase set,去到就得$880豬/牛嘅壽喜燒套餐，入面包咗前菜、蒸物、刺身、壽喜燒/涮涮鍋、飯/烏冬、甜品、咖啡(我哋去個陣無上到🥲)，另外可以再單點肉類，不過淨係依個set食完都已經飽到行唔郁，所以未必需要額外點😀—《 #A4近江和牛》⭐⭐⭐和牛壽喜燒主角當然係碟牛啦，不過小編覺得全晚最遜色嘅就係佢🥲每個set有四塊A4近江和牛，一塊肉眼、一塊西冷、兩塊牛肩😃師傅會將和牛同蔬菜拼盤交替咁整，令到食落無咁膩😌落肉之前會落好多糖，跟住先放舊肉落去，再加
【值得一試嘅體驗🇯🇵中環$880 正宗A4和牛壽喜燒套餐🥩】
成日去蘇豪食嘢嘅小編，每次經過荷李活道嘅Sukiyaki Mori見到個窿都忍唔住望入去，跟住次次都忍唔住”哇，好正”🤣因為依度食sukiyaki有日本師傅專人服侍你，好高級嘅體驗😍
上個月睇餐牌都仲係$680，今個月食就變咗$880💸特別日子就打算試下啦，兩個星期前call，三間都full哂，全部落waitlist，最後預定日期前一晚就收到卑利街分店call話有位😆如果想試嘅朋友要提早book阿，佢哋每月1號會開下個月嘅booking架😌
如果無事先book定$1480嘅omakase set,去到就得$880豬/牛嘅壽喜燒套餐，入面包咗前菜、蒸物、刺身、壽喜燒/涮涮鍋、飯/烏冬、甜品、咖啡(我哋去個陣無上到🥲)，另外可以再單點肉類，不過淨係依個set食完都已經飽到行唔郁，所以未必需要額外點😀
—
《 #A4近江和牛》⭐⭐⭐
和牛壽喜燒主角當然係碟牛啦，不過小編覺得全晚最遜色嘅就係佢🥲每個set有四塊A4近江和牛，一塊肉眼、一塊西冷、兩塊牛肩😃師傅會將和牛同蔬菜拼盤交替咁整，令到食落無咁膩😌
落肉之前會落好多糖，跟住先放舊肉落去，再加糖同壽喜燒汁，整好之後會用唔同嘅蔬菜同個肉擺盤，睇落好精緻咁😅正宗壽喜燒食法當然要配上日本雞蛋蘸黎食，仲可以無限添飯😆不過個和牛小編食落就覺得差啲啦，始終只係A4和牛同埋壽喜燒燒肉黎講佢都幾厚切，又冇嗰種入口即溶嘅感覺，加上巨量嘅糖同超甜嘅壽喜燒汁，唔係好食得出肉味兼好膩，所以小編要猛叫師傅上慢少少菜比我哋抖下先，同埋落少啲糖😟趕住交枱比下一輪所以食得都幾倉促，加上和牛質素一般，期望咗咁耐係有啲失望🤦🏻♀️
—
《 #前菜》⭐⭐⭐⭐💥
一入座嘅時候就已經見到師傅開始整緊個前菜，前菜都幾豐富而且好精緻，有兩隻墨魚仔同兩款筍，每樣都搭配唔同嘅自家製醬汁🤤第一次食依種咬落好多膏嘅墨魚仔，幾得意🤪兩隻筍分別配咗蛋黃醬同面豉醬，酸酸甜甜嘅好開胃😉
—
《 #櫻花蝦蒸蛋》⭐⭐⭐⭐️
蒸蛋上面有好多櫻花蝦，仲有一撮薑蓉，唔中意薑嘅朋友記得撥開佢，因為味道都好重下😖櫻花蝦嘅香味彌漫住成碗蒸蛋，蒸蛋好滑溜，而且有滿滿嘅濃湯👍🏼
—
《 #和牛刺身》⭐⭐⭐️
未食到壽喜燒牛之前，師傅先切兩塊做刺身過下癮先🥰睇住佢為咗整成四方型將個和牛四條邊切走好心痛🥺配咗一碟淡味嘅醬油，刺身和牛好軟腍，不過未有梅納反應嘅牛肉味係差啲😛
—
《 #和牛蛋炒飯》⭐⭐⭐️⭐️⭐️
全晚最中意嘅就係依個和牛蛋炒飯，未到依個”側飽你環節”小編都已經飽到不要不要，所以都係諗住試少少算😎師傅先落和牛粒，跟住加蛋加醬汁，最後盛起個飯上面加長蔥碎，好精緻😂依個時候會再上個漬物同面豉湯一齊食😆日本蛋蛋味濃郁，和牛粒令到個蛋有油香味，加上鮮甜嘅醬汁，唔會膩，再飽都仲可以食得落😝
—
《 #櫻花味奶凍配麻薯》⭐⭐⭐️⭐️
主食胃滿哂之後，就要出動甜品胃😋聽到隔離枱唔食奶凍同麻薯，就換咗抹茶雪糕同多一件橙比佢🤓我哋就照原定甜品上咗，先食咗個橙，起哂皮，好多汁😍跟住先食個櫻花味奶凍，幾厚實，再有啲櫻花花瓣，味道幾好😋最後先係個麻薯，朱古力味就相對普通🤫
—
🛎評分
食物: 8/10
環境: 9.5/10
價位: 高($968/位)
性價比: 6.5/10
推介度: 8/10
張貼
