影片
更多
2021-02-01
190 瀏覽
坐忘門口真係成日都好多人係度排隊，睇左好耐，呢日經過終於的起心肝排隊試下啦。入面店面唔算大，但環境好靚。黑芝麻牛咖喱配特色飯（$65）一上菜就俾個顏色嚇親，真係黑芝麻嘅顏色。成個餐份量都幾多，而且有好多雜菜好健康。牛肉有啲普通，食落主要係咖喱味，仲有淡淡嘅芝麻味，整體都幾香。豬軟骨定食（$66）豬軟骨飯都係好大份，有兩大塊豬軟骨同雜菜。豬軟骨煮得好軟好黏，兩塊肉都甜甜地好入味，撈埋特色飯食真係好好味，唔覺唔覺就食曬成碟飯！一睇餐牌就知道呢間店係主打健康嘅，所以配菜都幾多，仲有素食餐，啱曬素食嘅朋友。整體份量都偏大，如果細食嘅可能可以share食避免浪費，不過要注意餐廳設有最低消費。以呢個價錢、份量同質素黎講真係幾抵食，難怪咁多人排隊！
黑芝麻牛咖喱配特色飯（$65）
一上菜就俾個顏色嚇親，真係黑芝麻嘅顏色。成個餐份量都幾多，而且有好多雜菜好健康。牛肉有啲普通，食落主要係咖喱味，仲有淡淡嘅芝麻味，整體都幾香。
豬軟骨定食（$66）
豬軟骨飯都係好大份，有兩大塊豬軟骨同雜菜。豬軟骨煮得好軟好黏，兩塊肉都甜甜地好入味，撈埋特色飯食真係好好味，唔覺唔覺就食曬成碟飯！
一睇餐牌就知道呢間店係主打健康嘅，所以配菜都幾多，仲有素食餐，啱曬素食嘅朋友。整體份量都偏大，如果細食嘅可能可以share食避免浪費，不過要注意餐廳設有最低消費。
以呢個價錢、份量同質素黎講真係幾抵食，難怪咁多人排隊！
張貼
