肚餓了串燒烤焗專門店 (已結業)

本來約咗同事去尖沙咀行街，因為天氣太熱，冇乜心情買嘢，同事提議去肚餓了串燒烤焗專門店飲啤酒食串燒，坐下傾下計，佢話同朋友去過，串燒味道好好。一入座立即叫杯Asahi解解喝，一啖飲落去真係透心涼。金黃醬廣島蠔，金黃醬係師傅自己用粟米粒和沙律醬等調製，味道酸甜，蠔身脹卜卜好新鮮，焗到金黃色，香噴噴熱辣辣好惹味！蒜蓉扇貝，扇貝鮮味，啖啖肉夾埋蒜蓉食，滿口留有蒜香味。蜜糖雞翼，燒得熟度恰到好處，皮香肉嫩，味道有甜甜的蜜糖味。香燒餃子雞翼，雞翼去骨後釀入明太子，再炸至金黃色，雞翼皮脆肉嫩， 外層雞味濃郁，明太子餡料豐富飽滿。微辣肉碎茄子，茄子軟嫩，肉末鹹香，少少辣能提升味道。忌廉蟹肉餅炸得脆口，餡料做成流心，creamy!