NUTTEA (葵涌廣場) (已結業)

一直都有聽過Nuttea 嘅大名，去開葵廣於是試一試佢😂。聽個鋪名都大約估到咩葫蘆賣咩藥啦😬，就係以堅果奶做主打喇。平時飲開出面嘅肥仔水都係預先煲好左茶底（甚至唔知係咪真係用茶葉沖嘅😂）落奶精糖精唔洗講啦，但今次去到落完單竟然見到店員即場沖茶葉去調製我杯嘢飲，好驚訝😮估唔到咁有誠意🤣🤣而且見佢賣廣告話冇牛奶冇化工奶精，真係即刻飲都飲得冇咁罪惡感呀認真。入返正題，今次叫左一熱一凍，熱嘅係伯爵堅果奶茶，凍嘅係伯爵朱古力堅果奶蓋茶。我覺得熱嗰杯茶味出啲，同埋嗰層奶蓋係超級吸引，勁creamy，勁滑，朱古力味好香濃，用匙羹食啲奶蓋好似食緊蛋糕咁🤣🤣推介～～而熱的話堅果奶味就出啲，厚實啲，如果女仔咁啱嗰幾日到飲熱就岩晒。