影片
更多
2024-08-21
210 瀏覽
因媽媽食齋，我由細到大都接觸唔少專食齋嘅舖頭，近幾年仲多咗好多唔同款式嘅素食餐廳，包括食植物肉、自助餐形式、中西合璧好fusion既等等，其實素食唔單止剩係得齋燒鵝或者蔬菜😂 仲可以好多元化，聽過最多人講嘅就係「好似食緊肉」，其實都係真既。多咗食齋嘅舖頭，我哋都開心，因為唔使再食死一兩間大牌又貴又悶🙈🤣 而呢間餐廳係其中一間最近發掘到都幾多好評嘅餐廳，位於尖沙咀麼地道，環境同埋座位空間都令人覺得舒服👍🏻😍間餐廳我覺得有個特色，就係佢有好多來自世界各地嘅菜式，包括有三文魚刺身、越南粉、印度薄餅等等，啱晒後生鍾意試新嘢或者食開齋嘅都一定有你心水。如果你想帶朋友認識吓素食嘅世界，不妨嚟呢度試吓，相信你會有新嘅體會😍 介紹吓我哋叫咗個幾樣餸先😗椰汁雪耳無花果燉湯 $48椰汁好香，加上雪耳既鮮甜，令到湯汁好清甜濃郁，飲完都覺得好養顏同埋健康😚份量都唔少亦足料，但係我都飲晒唔夠喉咁🙈北京片皮鴨 $128我同屋企人食齋都好少叫扁皮鴨，但見到佢個菜單個樣好似幾吸引，所以就叫嚟試吓。素鴨口感唔錯，食落幾嫩易咬，塊皮亦唔算厚。佢個形式仲真係好似食片皮鴨咁，有層皮俾你包住啲青瓜黃椒同埋鴨，像真度極高！😍😍連
多咗食齋嘅舖頭，我哋都開心，因為唔使再食死一兩間大牌又貴又悶🙈🤣 而呢間餐廳係其中一間最近發掘到都幾多好評嘅餐廳，位於尖沙咀麼地道，環境同埋座位空間都令人覺得舒服👍🏻😍
間餐廳我覺得有個特色，就係佢有好多來自世界各地嘅菜式，包括有三文魚刺身、越南粉、印度薄餅等等，啱晒後生鍾意試新嘢或者食開齋嘅都一定有你心水。如果你想帶朋友認識吓素食嘅世界，不妨嚟呢度試吓，相信你會有新嘅體會😍 介紹吓我哋叫咗個幾樣餸先😗
椰汁雪耳無花果燉湯 $48
椰汁好香，加上雪耳既鮮甜，令到湯汁好清甜濃郁，飲完都覺得好養顏同埋健康😚份量都唔少亦足料，但係我都飲晒唔夠喉咁🙈
10 瀏覽
0 讚好
0 留言
北京片皮鴨 $128
我同屋企人食齋都好少叫扁皮鴨，但見到佢個菜單個樣好似幾吸引，所以就叫嚟試吓。素鴨口感唔錯，食落幾嫩易咬，塊皮亦唔算厚。佢個形式仲真係好似食片皮鴨咁，有層皮俾你包住啲青瓜黃椒同埋鴨，像真度極高！😍😍連個醬汁都好似真嘅味道一樣，蔬菜亦都好新鮮，食落去味道都同真嘅差唔多，真係想食多啲😚
14 瀏覽
0 讚好
0 留言
印度方味Masala咖喱配手抓餅 （奶）（蜂蜜） $78
呢道菜都係我成日都會叫嘅菜式之一，不過全素嘅人就唔食得啦，因為有奶。咖喱好惹味，呢度嘅咖喱偏少少酸甜，可能係加咗蜂蜜嘅關係？不過佢都好好香濃，同真咖喱相似。餅皮酥脆，唔會太油，沾咖喱一齊食真係絕配😆
9 瀏覽
0 讚好
0 留言
琵琶豆腐 $88
呢個琵琶豆腐，好好食！首先外層好脆口，入面有滿滿嘅餡，令佢有豐富嘅口感。味道出色，鹹淡度適中，好like👍🏻
29 瀏覽
0 讚好
0 留言
越南湯河粉 $98
呢個就正正常常，同出邊食到嘅越南湯河無異，只係個肉係素食肉咁，不過都幾有咬口。河粉嘅份量好多，質地都彈牙易咬，醬汁亦都增加咗佢嘅口感。
15 瀏覽
0 讚好
0 留言
仲想推介大家一樣嘢，就係佢嘅午市優惠套餐，$88有湯、點心、同埋主食三度餸，好抵食呀！加$10仲有嘢飲添！午市時間仲由11:30做到3:00，鍾意一餐食好多唔同食物嘅人可以試吓🤩
結論
🫰味道好味
🫰環境優雅
食物係即刻整，所以有啲餸可能要等耐少少，但係值得🙂↕️
好味度：8.5/10
回頭度：9.5/10 (會再同媽媽黎）
餐廳資料
餐廳名稱：慈素小聚
餐廳地址：尖沙咀麼地道30號Mody House 8樓
營業時間：星期一至日 11:30 - 21:30
張貼
