滄浪亭

營業中

休息中

今日咁岩經過紅磡，見到間食上海野既裝修幾別緻，見冇乜特別想食，所以就試下新野啦！店內其實空間頗細，檯又得好少，所以坐落都幾迫，晚飯繁忙時間搭枱更是常識吧。我就點左個肉絲湯年糕，可能我係繁忙時間食，所以都等左好一段時間先送到黎檯。送上檯面時碗年糕熱辣辣而且大大碗。首先就緊係試下佢個湯先啦！湯呈奶白色，飲落好香甜而且帶有微微既雞香味，飲得出湯底係好用心烹調，個人十分喜愛呢個湯底。配上嫩滑既肉絲同份量十足既青菜，真係令我回來無窮。年糕煮至軟糯，但略年糕嫌份量比較少，不過個湯底味道真係好好，淨係個湯底已經加哂分，下次會再黎試其他菜式。