海景咖啡廊

營業中

休息中

前幾日..lunch時間有個同事話去間岩岩裝修完既餐廳食buffet,所以就同幾個同事一齊去左海景嘉福酒店既cafe on m 食lunch! 上到去有個靚女reception帶我埋位之後我就起動喇!頭盤------有沙律吧,只要你選好材料就有師傅幫你做!! 服務周到!魚生新鮮!!仲有個海鮮山..見到都嚇一嚇@@D長腳蟹好鮮味!!熱食------熱野方面有天婦羅,燒牛柳,正...一口牛柳!!!!!仲有羊鞍,串燒,燒牛肉,同幾款熱食..最值得推介係個即做意大利面..同師傅話低要咩材料..師傅就即時做..最好就係比低預先係臺面既籤..就會有專人送到...享受!!甜品------有朱古力噴泉,即做曲奇,同埋一件一件細細件既cake,好就好在一定唔會比其他人搞散,仲可以每樣試小小!!最正就係有我最愛既"哈緊大"雪糕!!!有5種味,仲要唔係d好普遍果d!!!由於我lunch時間只有1個半中所限..食得唔係咁盡興!!而且我聽隔離臺話原來星期六日會有即開生蠔!!!!所以我決定我一定會再黎挑戰佢d生蠔!!埋單每位都係2百幾一位!!!個人認為好抵食,而且環境又唔錯...真係值得一去再去~~~~