原來呢度仲多咗火鍋外賣送貨及外賣自取的服務，自取仲有九折添，啱晒我呢啲有時想屋企打邊爐，但又唔想去買餸嘅人，好方便！
除咗用手機落單，出面仲有好多自取嘅丸類、蔬菜、飲品等，我地先夾左d泡菜、麻辣雞腎食，好開胃！
蔬菜種類好多，連羽衣甘藍都有。
肉類依舊保持水準，無論係安格斯牛肉、封門柳，定係肥牛，都好有牛味，令我地食唔停，就算涮耐左，都唔會韌！
好欣賞佢雖然係便價火鍋放題，但食材一d都唔求其，好多自家製食物，我就最中意食呢度各種手打丸、雲吞、魚骨、蝦滑！
當然唔少得食海鮮啦！蝦夠新鮮彈牙！沙白無沙！估唔到仲有帆立貝！
呢度性價比極高，難怪每次黎都坐滿晒人。
