牛大人台灣火鍋吃到飽 (瓊華中心) (已搬遷) 新店位置

出發去旅行之前同朋友食餐勁既，一定係諗起牛大人，牛大人無論係價錢或者係食物質素，評價都非常高。今日嚟到旺角瓊華中心嗰間牛大人分店，太耐冇嚟瓊華中心食飯，唔知原來排隊上樓有咁多人，所以要預早少少排隊上樓。去到門口其實都好快安排到入座，用餐時間係兩個小時，所以都要爭分奪秒去叫嘢食，上菜速度都好快。我最鍾意食佢個牛板腱，牛肉香得來口感嫩口。另外佢個和牛牛丸都好出色，我平時都唔食牛丸，牛大人個牛丸非常有牛香味，又夠彈牙。