影片
更多
2018-08-24
1438 瀏覽
師傳百無聊賴，忽然醒起呢間食店就嚟關門大吉，趁著有時間決定嚟食番一餐。由始至終於師傅對呢間食店嘅碗仔翅念念不忘，就算唔食其他野，淨係一碗碗仔翅都足夠令師傅回味無窮，所以預啱時間襯佢未開門就去到大角咀呢一區啦。去到目的地望一望手錶，發現時間都早尚未開門，但人龍已經排到非常之長，師傅心諗今次死硬啦，有排等啦，不過見咁早就咁原照排。點知老闆娘忽然出嚟數人數，仲問下有邊一位係一位，於是師父就舉下隻手啦，由於喺師傅前面嘅全部都兩位或以上，咁師傅就由包尾嗰個位排到上頭嗰幾名嘅位置，簡單啲嚟講係有人幫師傅排埋隊去食嘢，單身狗福利還是首次，感恩!入到去坐低，當然要睇下有咩好食啦，碗仔翅必食就唔少得㗎啦，其他嘅嘢食又睇下有乜吸引師傅呢，最後師傳揀咗糖醋皮蛋同 碗仔翅一碗。落咗單好快就有得食，搶閘登場嘅係糖醋皮蛋，坦白講十七蚊一隻皮蛋絕望唔係平，不過隻皮蛋真係溏心，配上糖同醋撈埋一齊食，直頭將皮蛋提升咗去另一個層次，好好味呀! 之後落嚟就係食碗仔翅，碗仔翅維持一向嘅高水準，冇味精湯底清，料又足，原冬菇，木耳，瘦肉全部分配得好平均配上菜脯，醋，胡椒粉加芝麻油，嘩!簡直係一個完美嘅組合，冇得輸好好味呀!食到一
去到目的地望一望手錶，發現時間都早尚未開門，但人龍已經排到非常之長，師傅心諗今次死硬啦，有排等啦，不過見咁早就咁原照排。點知老闆娘忽然出嚟數人數，仲問下有邊一位係一位，於是師父就舉下隻手啦，由於喺師傅前面嘅全部都兩位或以上，咁師傅就由包尾嗰個位排到上頭嗰幾名嘅位置，簡單啲嚟講係有人幫師傅排埋隊去食嘢，單身狗福利還是首次，感恩!
入到去坐低，當然要睇下有咩好食啦，碗仔翅必食就唔少得㗎啦，其他嘅嘢食又睇下有乜吸引師傅呢，最後師傳揀咗糖醋皮蛋同 碗仔翅一碗。落咗單好快就有得食，搶閘登場嘅係糖醋皮蛋，坦白講十七蚊一隻皮蛋絕望唔係平，不過隻皮蛋真係溏心，配上糖同醋撈埋一齊食，直頭將皮蛋提升咗去另一個層次，好好味呀! 之後落嚟就係食碗仔翅，碗仔翅維持一向嘅高水準，冇味精湯底清，料又足，原冬菇，木耳，瘦肉全部分配得好平均配上菜脯，醋，胡椒粉加芝麻油，嘩!簡直係一個完美嘅組合，冇得輸好好味呀!
食到一半師父傅唔多夠皮，決定加單，左諗右諗左諗右諗，最後揀咗份豬手同吉品鮑 魚，等一陣就有得食。呢兩度菜都算出得比較快，豬手炆得非常之腍，而且同入味非常，口感一流，黏黏的骨膠原，加上豬手非常大舊，好多肉食，正! 而吉品鮑一隻，老老實實師傅真係唔識分係唔係吉品，淨係知一隻鮑魚仔擺你面前炆得腍腍的，咬落去非常爽口彈牙，但係絕對唔會難，加上佢個醬汁非常惹味，如果有碗白飯就冇得頂，好好味呀，送飯一流，五十幾蚊一隻，久唔久一次接受到啦!
總括嚟講呢間食店嘅食物都真係非常好食，未必樣樣都啱你食但係真係有心做，對食嘢係有一份執著，出名嘅陳皮紅豆沙賣到一百蚊一碗，師傅自問對紅豆沙真係冇乜興趣，一百蚊食個紅豆沙真係奢侈，所以都係冇識到，但其他食物絕對係有水準，香港地今時今日好食嘅食店買少見少，將來又再少一間，諗起都心噏。價錢唔算平但亦都未必係太貴，師傅一條友食咗四樣嘢埋單124蚊，老闆娘仲要唔收零頭，收師傅120，一定係同師傅靚仔無關，如果係靚仔嘅話應該免費食，食店進入倒數階段，如果仲有機會仲有時間撞得正，師傅都仲想繼續嚟多幾次，講真乜都唔食淨係入嚟食碗碗仔翅，師傅已經覺得物超所值，今時今日一碗好食嘅碗仔翅，都唔易搵到，何況係做咗十九幾年，水準仍然係維持高水平，厲害!
糖醋糖心皮蛋
$17
24 瀏覽
0 讚好
0 留言
碗仔翅
$27
43 瀏覽
0 讚好
0 留言
豬手
$28
43 瀏覽
0 讚好
0 留言
吉品鮑魚
$52
51 瀏覽
0 讚好
0 留言
張貼
