Itamama (東港城) (已結業)

是日想食平民西餐，直入ITAMAMA。既然講得平民西餐，佢既環境、氣氛就算點樣都好，只要價錢公道、食得飽我兼且健健康康，我就相當滿足。今日我ORDER左一份珍珠飯配牛扒，另外加多份芝士焗「樹仔菜」。牛扒賣相相當唔錯，表皮俾一層肉汁包圍住，沙律伴碟，粗鹽、黑椒碎粒調味，感覺相當豐富。滿懷期望咁咬落去，果然，始終係一塊70幾蚊既牛扒，用牛扒嚟形用已經算係俾面，應該話係一塊「大碼牛肉」，食得飽我就算啦。可惜，家母自細就教識左我分辨「鬆肉粉」既味道，所以當我食得出果浸味，重口味既我只好瘋狂點汁伴粗鹽黑椒，但求盡快完食。不過講到尾，始終都係70幾蚊，係唔應該奢望佢有非一般既水準，一切都只怪我痴心妄想，希望愈大，失望愈大。