影片
更多
2012-08-12
33 瀏覽
上星期睇書見到話尖沙咀有間新開嘅韓燒, 咁我咪叫埋d舊同事一齊去試囉, 因我地都係中意煲韓劇, 成日見到入面d韓燒店好似好好食咁, 知道香港都有一間咁地道嘅, 梗係好想試架啦, 點知............呢幾日好期待嘅韓燒食唔到，因之前我個舊同事打去book位，佢地話唔夠四位冇得book，但可以試吓walk-in。咁我地咪六點去到，早d去諗住咁早去實有位啦，點知去到，確係好多位，但入到去話冇book要等。請看以下對話.....我 : 係你地話三位冇得book，而家我地walk-in又有位但又唔俾位我地。店員 : 呢d枱人地book咗，一係你地等到7點如果有人唔嚟就俾枱你地啦。 我 : 啫係冇人嚟食我地至可能有位???? 唔係卦，你而家張張枱都係吉嘅都唔可以俾個位嚟??? 俾張細枱都咁難??? 店員 : 我地冇細枱架，張張都係大枱 ( 聽到咁我就扯火因我個舊同事打去book位時, 佢地話有兩張細枱, 所以早d去到可能有位, 而家又話冇細枱, 仲有, 我眼見嘅所謂大枱, 都係兩張細枱拼埋一齊, 唔係話我知拼得埋但分唔開呀 ) .....跟住我就話....我 : 係你地話三個人冇得bo
呢幾日好期待嘅韓燒食唔到，因之前我個舊同事打去book位，佢地話唔夠四位冇得book，但可以試吓walk-in。咁我地咪六點去到，早d去諗住咁早去實有位啦，點知去到，確係好多位，但入到去話冇book要等。請看以下對話.....
我 : 係你地話三位冇得book，而家我地walk-in又有位但又唔俾位我地。
店員 : 呢d枱人地book咗，一係你地等到7點如果有人唔嚟就俾枱你地啦。
我 : 啫係冇人嚟食我地至可能有位???? 唔係卦，你而家張張枱都係吉嘅都唔可以俾個位嚟??? 俾張細枱都咁難???
店員 : 我地冇細枱架，張張都係大枱 ( 聽到咁我就扯火因我個舊同事打去book位時, 佢地話有兩張細枱, 所以早d去到可能有位, 而家又話冇細枱, 仲有, 我眼見嘅所謂大枱, 都係兩張細枱拼埋一齊, 唔係話我知拼得埋但分唔開呀 ) .....
跟住我就話....
我 : 係你地話三個人冇得book，如果早d walk-in可能會有位，而家又話冇細枱，我唔係好明囉。咁啫係人少就唔好嚟食?? (我好火咁就走咗去)
之後我個舊同事嚟到再同佢地理論，佢地至話食到7:30要交枱。
我就答: 唔食啦，食到要乞返嚟至有得食，而家冇其他揀咩。so end up去咗韓國街食
在我嚟講, 就算d野好食, 個服務態度都要有番咁上下, 冇理由因d客人少就唔想做人地生意。生意唔係咁樣做架囉, 我今次人少, 如果試過好嘅, 下次我可能係一人大班frd嚟又可能我會介紹d frd嚟食。而家佢咁嘅服務態度, 擺明趕客啦, 我真係唔會叫d frd嚟試囉, 唔想我d frd未食就一肚氣啦
張貼