影片
更多
2023-07-08
23 瀏覽
如果煩惱點樣把握點餐份量同照顧同行朋友嘅胃口，咁串燒都係個好好嘅解決方法，反正每個人點一堆自己鍾意食嘅串燒就OK了😆但喺出面食串燒種感覺少咗啲靈魂，自己燒又費時麻煩仲大陣味，而且好容易燒燶，嚟「串Grill」就能完美解決對串燒嘅要求喇！「串Grill」實現將野外燒烤嘅樂趣帶入室內餐桌👀 只需要將串燒放喺烤架上面就可以自動旋轉燒熟（記得要正確放喺齒輪位置上面，先能夠牽動串燒自動旋轉㗎～）全程360度自動旋轉燒烤爐令我解放雙手，但又享受到親力親為嘅樂趣，感覺化身串燒店老板，好過癮呢！而且完全唔使擔心會燒得唔均勻或者燒唔熟，一邊燒一邊食就怕食材會變凍，隨時食到熱辣辣嘅串燒🔥串燒嘅種類多達40幾款，全部都係任食㗎～（飲品都係任飲）分別有牛、豬、雞、海鮮、腸、菜、丸類以及甜品類。牛方面有M6和牛牛柳、紐西蘭牛西冷、牛舌、美國牛肋腩；豬方面有美國豬肉眼、豬五花、豬肩胛、豬大腸；雞方面有雞腎、雞翼、雞軟骨、雞皮、雞捲肉；海鮮分別有蜆肉、鯖魚、多春魚；腸方面有芝士腸、廚師腸、臺灣腸；蔬菜方面有雞肶菇、脆肉瓜、車厘茄、冬菇、日本甜薯、秋葵；丸類有魚片頭、墨魚丸、貢丸、魚蛋、蝦卷、魚肉年糕、燒賣；甜點類有
如果煩惱點樣把握點餐份量同照顧同行朋友嘅胃口，咁串燒都係個好好嘅解決方法，反正每個人點一堆自己鍾意食嘅串燒就OK了😆但喺出面食串燒種感覺少咗啲靈魂，自己燒又費時麻煩仲大陣味，而且好容易燒燶，嚟「串Grill」就能完美解決對串燒嘅要求喇！「串Grill」實現將野外燒烤嘅樂趣帶入室內餐桌👀 只需要將串燒放喺烤架上面就可以自動旋轉燒熟（記得要正確放喺齒輪位置上面，先能夠牽動串燒自動旋轉㗎～）全程360度自動旋轉燒烤爐令我解放雙手，但又享受到親力親為嘅樂趣，感覺化身串燒店老板，好過癮呢！而且完全唔使擔心會燒得唔均勻或者燒唔熟，一邊燒一邊食就怕食材會變凍，隨時食到熱辣辣嘅串燒🔥
串燒嘅種類多達40幾款，全部都係任食㗎～（飲品都係任飲）分別有牛、豬、雞、海鮮、腸、菜、丸類以及甜品類。牛方面有M6和牛牛柳、紐西蘭牛西冷、牛舌、美國牛肋腩；豬方面有美國豬肉眼、豬五花、豬肩胛、豬大腸；雞方面有雞腎、雞翼、雞軟骨、雞皮、雞捲肉；海鮮分別有蜆肉、鯖魚、多春魚；腸方面有芝士腸、廚師腸、臺灣腸；蔬菜方面有雞肶菇、脆肉瓜、車厘茄、冬菇、日本甜薯、秋葵；丸類有魚片頭、墨魚丸、貢丸、魚蛋、蝦卷、魚肉年糕、燒賣；甜點類有棉花糖同菠蘿...
佢哋嘅串燒唔似傳統串燒咁將所有調味料都灑上去，基本都係新鮮嘅食材，所以燒出嚟更多嘅係食材本身嘅味道，所以提供不少醬料如泰式魚露同一個甜甜哋嘅醬，解膩好OK！調味粉方面有椒鹽粉、孜然粉、辣粉同海鹽，大家可根據自己口味選擇搭配調味，呢一點非常適合口味刁鑽嘅人呢😌
推介M6和牛牛柳！不愧係佢哋嘅招牌，燒到滋滋冒油香噴噴就可以開動，入口鮮嫩多汁，肉質緊實，食落唔會覺得油膩仲充滿牛香，單食或者搭配店內提供嘅醬汁或同調味粉都咁Perfect池😉另外個人覺得全場MVP係豬大腸～外皮烤得焦脆，內部油嫩油嫩，而且仲爆汁添！咬落去滿嘴流油✨豬大腸愛好者一定要嚟多幾串喇！
畢竟係串燒鋪，入門時都已經做好油煙味好重嘅心理準備，但直到食飽飽身上都完全無味！驚喜～總括嚟講「串Grill」真係我呢啲懶人嘅福音，要做嘅只係負責大啖食串燒就得啦，左手一串右手一串不知幾爽，而且上菜速度好快，個嘴根本全程都好唔得閒😂 有興趣快啲嚟試吓啦✔️
張貼
