祥興咖啡室

喺附近醫院睇完醫生順便就去呢間都幾出名嘅茶記食個晏啦，真係一試難忘！


叫咗是日午餐咖哩龍利球，常餐同埋菠蘿油！常餐個叉燒唔係好乾柴嗰種，而且個湯都幾夠味，麵身又爽，個炒蛋仲好滑，厚多士都係熱辣辣，食完好滿足！至於個咖哩飯，個汁係極度重口味，屬於又咸又杰嗰種，杰到完全可以當膠水咁用，講真，係幾難入口 😔 最後菠蘿油真係贏晒，果然係菠蘿油關注組嘅話題之作，熱辣辣好好味！


侍應嘅服務態度都唔錯，整體來講都可以啦，不過午餐就未必會再試，反而下次想試吓個喇沙同蕃茄濃湯！