倫哥火鍋私房菜 (已結業)

係香港一年四季都可以打邊爐既城市，無論你想任食或者散叫，平既未必一定唔好，而貴既都唔一定令人滿意。12月特別多朋友生日既時份，朋友揀咗每位$288既任飲任食雞煲打邊爐屬於中等價錢，未齊人又有啲肚餓，先嚟兩碟味道清淡開胃冷盤人齊就可以上雞煲，廚房即炒等候需時，雞煲上枱先焗2分鐘再開蓋搞一搞，重複4次就可以起筷，小辣適合想辣又唔辣得既朋友，雞件炒得焦香肉嫩，醬汁香濃又入味，食完一轉又再添食，廚房會炒一碟再倒落個鍋，然後又重複焗4次食完以為雞煲加水就可以打邊爐，實情係會再煮一個蕃茄粟米湯底出嚟，亦都有別於一般任食打邊爐，唔會有點菜紙俾你亂剔，而係餐廳先安排食品，你要加邊樣先再話佢知，除咗邊爐材料，估唔到仲有大閘蟹，雖然蟹公細細只有手心咁大，但蟹膏十足入口軟綿綿，食完蟹怕寒涼，仲有一盅紅棗椰子燉雞湯暖返個身，材料足熱辣辣自然夠鮮味打邊爐都好似去飲一樣有冬菇忟鮑魚都係第一次，冬菇厚身爽口，手指尾咁大隻既鮑魚忟得入味海鮮拼盤加$30可以將蟹變龍蝦，不過四個人都好難分到一隻龍蝦，都係算吧喇!羔蟹爆膏但結實既蟹羔唔係我杯茶，桶蠔淥完唔會縮水，花甲鮮甜，聖子皇唔夠厚肉，頭班腩同鯇魚片有少許腥途中侍應勝券