尚香 (已結業)

今日同屋企人出旺角掃街 ，其中一樣就係傳聞中嘅蟹黃湯包，四十五蚊個，一D 都唔平，不過諗住點都試一次冇所謂啦， 去到話要等十五分鐘， 滿心期待，湯包蒸好， 又唔係好大個，只係畀普通小籠包大一倍多D ，熱辣辣 ，用飲管去啜一啖，伏，腥嘅， 咬開個皮仲伏， 裏面有幾粒蟹膏 ，有一粒唔知係咪蟹肉嘅白色肉，同埋一粒深色嘅肉， 細粒過粒骰 ，我都食唔出係乜， 好難食又腥又鞋 ， 個包幾乎係空嘅(除咗D湯)， 四十幾蚊我去買碗燉湯飲好過， 結果， 我係食唔曬 掉咗嘅！ 我建議佢設計一款巨型小籠包裏面係豬肉，會好好多！