Dazzling Cafe (皇室堡) (已結業)

去到皇室堡食飯，好幾間都排長龍，得呢間可以直入仲有一半吉位，本身有啲不祥預感。之後果然中伏，坐低左，叫完野食先話最低消費必須要一杯野飲，野食唔計，我就覺得係明屈。食咁多年野都未試過食物唔計最低消費。之後叫左台式麻油雞麵同牛肉麵，雞面既面條煮到過曬龍，張住個口一pat pat, 雞肉鞋過鞋底，似煮咗超過一個鐘，牛肉麵就好彩正正常常。飲野就被逼叫左杯Espresso 同水果茶，espresso正常，仲有塊lotus餅，水果茶就過甜。埋單兩個人$312，人均$156。突然覺得茶木好食N倍又平啲。