韓雅林 (已易手) 新餐廳

　　第一次同媽咪嚟呢度入到去一坐低，好多前菜放喺面前，點左石頭飯同埋燒烤雞肉食，石頭飯嗰種醬，本身驚佢好辣，但係四眼哥哥話個醬甜甜地唔會太辣，咁我就信佢啦，又真係好味，同埋啲飯焦脆卜卜，好正。個燒雞我自己麻麻地識燒，麻煩哂咁多位哥哥姐姐幫手燒，燒熟左點啲醬油食，甜甜地好味道，最後食左一個綠茶味雪糕甜品，媽咪飲左杯紅棗茶。　　第二次即係對上嗰次同媽咪入到去一坐低，又係好多前菜放喺面前，食點左炒粉絲同埋人參雞湯，炒粉絲嘅粉絲比一般嘅粗，同埋硬，所以食落有啲唔慣。但個人參雞湯真係好好味，湯好飲，雞好食，仲有啲類似糯米嘅物體，有咬口，值得一食嘅一樣好野，最後食左芝麻味雪糕甜品，媽咪飲左杯玉桂茶。　　前幾日再同媽咪去韓雅林食晚餐，未入到去喺門口靚女姐姐著住件大長今衫就介紹我地食野啦，入到去一坐低，冇變，一樣係好多前菜放喺度，點左燒烤超級牛肋骨同埋韓式炸醬麪食，超級牛肋骨自己燒冇哥哥姐姐幫手燒咁好食，所以由佢地燒，好食。韓式炸醬麪就麻麻地，可能因為食唔慣，最後食左芝麻味雪糕甜品，媽咪都係飲玉桂茶。