影片
更多
2015-01-05
2927 瀏覽
見間野咁耐未執，見有團購諗住可以試，點知中哂伏!!!人數：5人價錢：267+49(服務費)+10(假日附加費)=267/人其實以上價錢唔係平過正價好多，但比你既食物數量可以用"乞食"黎形容。時間：話100分鐘，睇落好似夠，但食既時候就完全知道根本唔夠時間食。由於每次落單都要等佢上台先知夠竟有幾多件(雖然我地每次都會好穩陣咁寫3-4份)，但到最後上台見到既數量唔夠又要再落，一來一回就咁白白浪費左好多時間，最後我地只係落左3次單就已經話LAST ORDER (睇到最底我會講下佢既LAST ORDE定義)。落單紙只會寫半份或全份，唔會寫幾多件，咁即係完全任佢話事..佢想比幾多件都可以叫全份。食物呢方面：長腳蟹：一人一隻，係幾大隻既..可惜冇乜味蠔：上台已經唔新鮮，縮哂水不特止仲要係泥黃色，有圖為証，見到都唔係好敢食!!一口牛肋：寫3份數量都比幾粒你，笑大人個口，5個人都分唔勻。牛舌、牛肋、牛肩：同上面一樣，落3份可以比幾塊你，究竟所謂既全份...係咪即係係一件!!!咁半份---唔通得半塊???腹胸肉：一早已經話冇，唔知如果有會係比幾多件你雞翼：由第二張單開始落，但最後一隻都冇見過帶子：我諗同
見間野咁耐未執，見有團購諗住可以試，點知中哂伏!!!人數：5人
價錢：267+49(服務費)+10(假日附加費)=267/人
其實以上價錢唔係平過正價好多，但比你既食物數量可以用"乞食"黎形容。
時間：話100分鐘，睇落好似夠，但食既時候就完全知道根本唔夠時間食。
由於每次落單都要等佢上台先知夠竟有幾多件(雖然我地每次都會好穩陣咁寫3-4份)，但到最後上台見到既數量唔夠又要再落，一來一回就咁白白浪費左好多時間，最後我地只係落左3次單就已經話LAST ORDER (睇到最底我會講下佢既LAST ORDE定義)。
落單紙只會寫半份或全份，唔會寫幾多件，咁即係完全任佢話事..佢想比幾多件都可以叫全份。
食物呢方面：
長腳蟹：一人一隻，係幾大隻既..可惜冇乜味
蠔：上台已經唔新鮮，縮哂水不特止仲要係泥黃色，有圖為証，見到都唔係好敢食!!
一口牛肋：寫3份數量都比幾粒你，笑大人個口，5個人都分唔勻。
牛舌、牛肋、牛肩：同上面一樣，落3份可以比幾塊你，究竟所謂既全份...係咪即係係一件!!!咁半份---唔通得半塊???
腹胸肉：一早已經話冇，唔知如果有會係比幾多件你
雞翼：由第二張單開始落，但最後一隻都冇見過
帶子：我諗同個5蚊銀差唔多大
沙律：唯一一樣係叫做大碗少少
豬頸肉：落4份比6條幼過絲帶既肉比你...好野!!
飲品：每人2杯
總括黎講：最足料既係：溫泉蛋，因為真係會有成隻見到。
講番所謂既LAST ORDER，佢同我地講既時候我地正在寫單，因為食完大家都唔知食左D乜，佢收單之後番轉頭同我地講，只可以落雪糕同飲品，其他野唔可以再加!!!
乜LAST ORDER既意思唔係最後可以落單既機會咩?我知道係限時，但如果你唔比落野食的話..係唔係應該一早同講你唔可以再加食物，而唔係一黎就話只可以落雪糕同野飲。
我地同佢反映，D野食上親都係得幾件，每一ROUND 5個人都唔夠食，但D野食唔上台你永遠唔知佢果ROUND比幾多件你...就係咁一來一回浪費哂D時間。
個侍應答我，再落單你會過時，我而家只可以比半份你(果ROUND我地落左幾種肉，飯、雪糕)，最後當然我地落既野只係出現左一細碟，仲要得3隻肉每隻得2片，雞翼唔駛講都係冇左影啦...
紫菜飯唔駛燒啦...都要催2次先有得食!
話就話可以落綠茶、柚子味雪糕，但到埋單走時都冇見過呢樣野出現係台面上面。
飲品都要催3次先上台。
其實做團購既目的唔係想有多D客咩??比D咁食物同服務客人，人地都唔會再番轉頭啦，為乜呢?
呢餐都食左大概千3蚊，咁既價錢食咁既野...個人覺得真心唔值~
呢間野食我中過一次招永遠唔會再去。
張貼
