影片
更多
2008-04-11
183 瀏覽
我先生特登山長水遠車我去食, 因為佢話1年前同朋友食過, D粥好好味. 去到門口有D舊, 一心以為老宇號, 應該好好食. 入到去, 有3至4枱人, 我地坐卡位, 得1位樓面. 到叫嘢食, 個樓面肥師奶(50幾歲, 5呎高) 就話“食咩, 快D講”, 我地叫“豬腰豬潤粥”同埋”豬潤肉丸粥”. 阿肥師奶重覆一次話”豬腰肉丸粥”同”豬潤粥”. 我就更正佢, “唔係,”之後再講多一次正確…. 佢都講一次, 係正確.. 點知, 出嚟係錯嗰個版本. 我地叫阿肥師奶過黎, 同佢講錯咗. 佢竟然大大聲話”頭先落單咪問你啱唔啱, 你地又話啱…..”佢再死死地氣攞入去. 我地即時呆咗, 佢係咪有妄想症, 自己落錯單仲咁大聲.之後換返2碗出黎, 但碗“豬腰豬潤粥”得1塊豬潤,由於好想食完走, 費事見到佢, 所以算數……點知, 5分鐘後佢想攞碗粥過黎, 未到我地枱就攞返入廚房. 咁即係之前嗰碗得1塊豬潤既“豬腰豬潤粥”, 即係我地食緊嗰碗都係錯囉……..最funny係佢同2個熟客既對話, 嗰2個熟客, 同佢傾緊類似出去一齊投資一間食肆, 阿肥師奶話”我可以出人做樓面及廚房煮嘢, 你出返份人工俾佢地, 我唔會
最funny係佢同2個熟客既對話, 嗰2個熟客, 同佢傾緊類似出去一齊投資一間食肆, 阿肥師奶話”我可以出人做樓面及廚房煮嘢, 你出返份人工俾佢地, 我唔會攞自己D退休金去博.. 到時生意唔好要守2 年, 咁我呢廿幾年既錢咪冇晒.. 總之, 我出人, 到時我地六四分賬….”之後, 嗰2個有為青年冇再同佢繼續傾, 我諗”你又唔出錢, 又怕要守, 但又要六四分賬, 傻架咩……”
同時有客人要求由門口位轉去卡位…., 轉完阿肥師奶竟大大聲話..”個個坐親門口位都話要轉…..”.. 咁既服務態度, 幾好食都假, 呢個肥師奶應該仲係其中一個老闆.. 再者, 佢D嘢都唔好食.., 呢樣我好客觀既, 「中環羅富記」好食好多, ”豬潤肉丸粥”勁正….. 大家不妨去試下就知…
大家睇埋其他人之前既食評, 就知道呢位肥師奶係自己落錯單就話客人講錯, 即係唔認錯.., 仲有, 最鍾意鬧客人.. 以為自己D嘢食係天下無敵, 其實好想送佢知4個字…"井底之蛙”….
最後, 係提議大家一定要去open rice 睇咗食評先好去, 因為D食評好”堅”. 如果我之前睇咗先, 我地就一定請都唔去食….
張貼