翠苑海鮮酒家 (已結業)

以下內容是千真萬確，呢間酒樓真係都幫襯過好幾次，唔係因為好食，係因為要就住係附近又行動不便的親戚，無奈地今天又要再幫襯！呢間酒樓面積頗有，上下兩層，仲有部分改作茶餐廳，平日夜晚客人不多，今晚所見只有十枱左右，主要食火鍋。我地叫小菜$1388套餐，部長話如果菜唔啱食可以轉，其中一個蝦配沙律醬炒的（不記得菜名）轉做龍蝦伊面加＄240 （有兩隻龍蝦），覺得好貴，問部長單叫龍蝦伊面幾錢，佢話＄128包一隻龍蝦，咁即係原本果碟值＄16？？ 部長解釋菜單係佢地集團（京都） set好，轉價錢係要收番貴D, 真係好搵笨，聽完都係唔轉好過轉，另外加多樣無咁嬲。其實成晚都係得我地呢枱叫呢個餐，不識變通，點做生意？講番味道，燒味拼盤－－ 一如所料係熱的，因為番叮，但係叮得過火，硬同乾，燒味本身又不是什麼好貨色沙律醬炒蝦球－－全晚覺得最好的一個，蝦炸過加上沙律汁炒，蝦外皮有點脆，肉質亦爽口，可惜厨師完全不懂控制沙律汁份量，一大pat汁燕窩羹－－料少粉多，像食生粉開水炒豬頸肉－－普通貨式，沒有特別清蒸沙巴龍躉－－魚過熟，肉有點鞋吊燒雞－－味道OK, 肉有D散炒飯－－新鮮飯炒，不夠乾身，一般茶餐廳貨式最後生果紅