百份百餐廳 (元州街) (已結業)

琴晚與友人去長沙灣拎完野搵地方食隻，見到呢間餐廳都吾錯（平時有食開其他分店）咪入去食，點知中晒伏！先叫左扒餐，落單個位講左3次，落完又話重新落過都算，問佢個扒餐雞扒改魚得吾得，個待應答我吾知囉，我叫佢入去問下啦⋯最後又咪肯，問都吾問就答人吾得，咩服務態度？！😠羅宋湯入面有檸檬片同毛髮，咩料？我叫佢換個一碗，之後問佢乜羅宋湯會用檸檬片煲架咩？個待應呆左2秒就話一向都有落去煲只係平時吾會俾客人見到，心諗好明顯係沖完檸茶放左落去啦，事後成碗冇飲，根本飲落去係怪味！炒蜆仲可惡，根本係凍，吾知整熱左幾耐冇人要先俾我，好心扮下野都叮一叮先⋯凍晒當人食吾出咩？我又吾係內地客！個扒⋯吾好食，問佢拎多汁竟然話冇，我咪問第二個拎，冇汁點食？ 乾到食吾落⋯成餐都吾好，好後悔！我吾會再幫襯！