岳飛餐室 (已結業)

話說4月16日晚和朋友到此餐廳用膳慶祝生日,卻換來一肚子氣。先講食物質素,我們覺得都只是一般,只有牛排較好。到上餐飲時,我們點了咖啡,一位女侍應問我們加不加兩蚊試一下進口咖啡.正當我們猶疑之際,她說"只係加兩蚊咋喎",隨即拎了一盒不同款的咖啡過來(過程當中冇任何餐牌給我們),見佢盛意拳拳就姑且一試。到埋單時見到一項數為$40,問另一位侍應他說是咖啡的價錢,於是我們再問回原先的waitress,這時候她才遞上一張list,說進口咖啡每杯加$20。登時火都o黎埋,我同我朋友4隻耳有乜理由連續兩次將廿蚊聽做兩蚊,我地好肯定佢係話$2(可能我地冇理佢"推介"既紅酒同oyster,所以點都要搵下我地笨)。做生意做到咁唔老實,盞自己攞黎衰,奉勸各位唔好幫襯此黑店,以免俾人當羊牯。