八月花

放工之後坐地鐵趕住去會合HONEY, 好彩佢搵定位, 去到已經有位坐。  如常的要了一個土雞湯俾HONEY補補, 入面有好多料, 黨蔘, 杞子, 雞, 淮山, 鮑兒BB。  個湯的色水有點點深啡, 但唔知典解飲落比以前無咁濃味, 今次仲飲到有少少的酸味。不過又唔係材料壞的味......

燉土雞湯

今天唔想吃咁多肉, 所以唔點雞, 點了鮮菇瑤柱炆海蔘。  之前都食過的, 不過今次個用料唔同了, 海蔘用了雪藏的貨色, 有D腥味, 不過個草菇煮得好好, 一D UP味都無, 好值得一讚。  個汁煮得有D過咸, 送飯中和0左就可以。

鮮菇瑤柱炆海蔘

烤焗三文魚是HONEY的最愛, 差不多每次來都要點的。今次煮得好好, 因為個魚有時太熟, 有時太燶(

但入面又唔夠熟)。  今次就外面唔燶但入面又熟又滑。  依個水準係家裡都好難可以煮到出來。

烤焗三文魚

依個菜色係第一次點。  個豆腐好滑, 應該係百福豆腐, 上面放梅菜肉碎, 再加D豉油同蔥花。  蔥花當然好, 豉油用來送飯也是很好。  不過豉油加埋D梅菜肉碎一起吃, 真的也過咸了。  如果無咁咸, 下次可以再吃。  

梅菜肉碎蒸豆腐

另外仲點了淮山鮮腐竹(伴芝麻醬),  依個係每次必點, 淮山係新鮮淮山, 好爽口, 加埋D芝麻醬, 平時幾口就食曬了。

AE折0左之後合共300蚊, 經濟實惠之選。