必勝客 (已結業)

之前，細佬約咗一位朋友去 <Pizza Hut>，佢哋用信用卡以二百幾 $ 食優惠套餐，結果食唔哂多到打包走！

打包返嚟有半個 Pizza 及一些小食！ 我有口福嘞！留番第二朝做早餐！:)

自從我食過正宗意大利 Pizza 之後，就無意欲俾錢再幫襯 <Pizza Hut>！:(

千島海鮮配三文魚芝心批邊
材料配搭色彩繽紛！ 有車厘茄、菠蘿、青椒、蟹柳、蝦...等；以前試過芝心批邊，簡直餾到嘔！:( 而家改良版，混入三文魚，可中和飽餾感都 OK! :) 但未至於要推介！

千島海鮮配三文魚芝心批邊

小食 - 炸蝦多士
細細塊，大約兩口一件，我用微波爐叮返熱嚟食，蝦膠部分夠爽口！ 只是咸咗少少！灑上芝麻，可增加口感！

炸蝦多士